عيوب منتجات ال جي LG تتصدر الشكاوي علي مائدة رئيس جهاز حماية المستهلك الجديد

 تتصدر شكاوي عملاء منتجات ال جي قائمة طويلة من الشكاوي علي مائدة الرئيس الجديد لجهاز حماية المستهلك الاشتاذ ابراهيم السجيني الذي تولي منصبه اول امس

يسرا الحريري. حررت شكوى في حماية المستهلك رقمها ٣٩٣٧١٤

تقول يسرا الحرير ي انها ذهبث يوم ٢٩ اغسطس ٢٠٢٣ فرع ال جي الموجود في كايرو فيستفال
ولقيت عرض ٥٪ على تلفزيون ٥٠ بوصة سمارت موديل ٢٠٢٣ وسعره بعد الخصم هيكون ١١٨٨٠ جنية، تشير إلى انها قامت بشراء المنتج ودفعت الفلوس وجابولي الكرتونه من جوه وجه حد طلع التلفزيون من الكرتونه وحطه في الفيشه وانا مشفتش حاجه غير شاشه سودا فقط
ولما سألته قالي هي دي التجربه بتاعتنا.

وبعدين رجعه في الكرتونه وبدأ يجره على الارض علشان يطلعه بره المحل
فا قولتله بلاش نجره على الارض رد وقالي احنا بنعمل كده في كل الشاشات وده عادي وانا المسؤول متقلقش
المهم خدت الشاشه ووديتها البيت وتاني يوم الصبح فتحتها لأول مره من الكرتونه ومع اول تجربة لفتح الشاشه لقيت الشاشة مكسورة من جوه وفيها خطوط كتير جدا وطبعا مبانتش غير لما الشاشة اشتغلت
طبعا اتجننت من الموقف وحطيت الشاشة في الكرتونه وطلعت بسرعة على الفرع تاني
قالولي انت المسؤول واحنا مش هنغير الشاشة
قولت لمدير الفرع عن موقف جر الشاشة على الارض من الموظف راح رد وقالي ارجع للموظف مليش دعوه
وجالي واحد تاني من الموظفين وقالي مفيش تغيير شاشه ومعندناش غير كده
واتعامل معايا بمنتهي قلة الادب ولما صممت قالي اطلع بره الفرع لدرجه ان مدير الفرع كان بيحوشه عني وهو كان بيزقهم
ومعايا فيديو بالكلام ده هعرضه في الوقت المناسب
وبعدين طلبت امن المول وجالي حد مسؤول وقالي متسكتش ولازم تعمل محضر باللي حصل ده بس لاني مريض ضغط كان ضغطي علي جدا وكنت محتاج اروح اخد الدوا باي شكل
وطبعا لقيتهم بيقولوا للموظف اللي بلطج عليا امشي بسرعه وراح مغير لبسه وماشي فورا
طبعا عملت شكوى في ال جي وتاني يوم جالي حد من الشركة وعاين الشاشة وحكيتله اللي حصل وقالي في استيكر موجود في ضهر الشاشه، انت اللي نقلته في ضهر الشاشة؟ قولتله لأ طبعا، طب هنقله ليه؟
قالي ده معناه ان الشاشة دي كانت في الصيانه قبل كده
وقالي ان ده تهريج وانه هيكتب تقرير باللي حصل ده ولازم الشاشة دي تتغير
وبعدها بيومين كلموني من ال جي وقالولي ان الشركة مش مسؤوله عن اللي حصل

انا بطالب بتفريغ كاميرات الفرع علشان تثبت اللي بقوله وتثبت ان الشاشة اتجرت على الارض وتثبت ان الاستيكر كان في ضهر الشاشة من اول ما اتفتحت
وحتى لو حقي مرجعليش انا بحذر الناس من شاشات ال جي علشان ميدفعوش التمن غالي
الصفحة الرسمية لجهاز حماية المستهلك بمصر
قالت زينب العربي انها كادت تتعرض لكارثة كبيرة لولا ستر الله، حيث كاد الميكرويف ان يتعرض لانفجار وعند طلب المعاينة قالت الشركة ان تراكم الدهون هَ السبب في تلك الازمة وهو ما أثار انفعالي

.............
مشاكل الغسالات لا تتوقف محمد طناني

البوست بقاله اسبوع
لعل المانع خير
LG Global

يقول محمد طناني انه توجه يوم ١٦ مايو الماضي وقام بشراء
الغساله عندي LG
FH4G6VDY6
ضمانها ينتهي ٧-٢٠٢٣
ملت ميه و بتعمل رغوه كتير
تواصلت مع الواتس بتاع LG مصر
و بلغتهم انها بتعمل ايرور IE
بعتولي فيديو و رجعت للكتالوج
و مشيت في إجراءات التصليح لكن بدون نتيجه
جالي فني بص على الغساله يوم الخميس ١٨ مايو
وقال ضغط الميه زياده
و قللوا المسحوق شويه
و جرب و الغساله اشتغلت و مفيش مشاكل
فوجئت برساله يوم الأحد ٤ يونبو
قطع غيار تم إيقاف إنتاجها
لا يمكن الإصلاح.مركز صيانه LG
و بعدها
مكالمه انه تم الموافقه على استبدال الغساله لان مش قابله للإصلاح
و بامانه تواصلت مع الدعم الفني و أفاد بنفس كلام المكالمه
و ان التغيير مجانا
بعدها رساله يوم الاثنين ٥ يونيو
الجهاز لا يمكن اصلاحة
مركز صيانه LG
ليتم تلقى مكالمه صباح اليوم ٨ يونيو
من خدمه توصيل LG
انهم جايين الغساله الجديده موديل
LG F4R3VYG6P
و انهم هيكونوا موجودين ف حدود الساعه ٣
و بالفعل وصل شابين
محمد و مصطفى
اللي طلعوها للدور الخامس و خدوا التانيه و رفضوا تماما انهم ياخدوا اي فلوس
طلعوا الغساله
و فكيت الكارتونه
و وصلتها كهرباء
عشان لغايه كده
انا و البيت كله و خاصه Ahmed Tanany ابني و مراتي و بنتي
و أصدقاء ليا كمان
مقتنعين انه بيتنصب عليا و مفيش شركه بتعمل كده للحصول على رضاء العميل
و تابع معايا خدمه العملاء عشان يبعتوا حد خلال يومين يركبها مجانا و يفعل الضمان
انا لغايه دلوقتي مش مصدق و لا البيت كله مصدق
خصوصا ان تجربتي مع كريازي خاصه في البوتجاز الأعلى عندهم كانت و ما زالت زي الزفت
شكرا LG
لو حد يعرف يعمل ليهم منشن
اكون شاكر ليه

.....
السلام عليكم محمود صلاح
انا اشتريت تكييف ال جي
@LG
من شركة رزق الله
Rizkalla
جالي المندوب وفتح كرتونة الوحده الخارجيه وقفل الكرتونه وبعدها فتح كرتونة الوحده الداخليه .. وانا بشوف الوحده الداخليه كويسه ولا لاء مالقتش الريموت والضمان ... فسألت المندوب الريموت والضمان فين .. قالي هتلاقيهم في الكباس في كرتونة الوحده الخارجيه بعد ما كان قفل كرتونة الوحدة الخارجيه .. فانا قولتله تمام ومارضتش اتعبه واخليه يفتح الكرتونه من تاني بعد ما قفلها ..
بعدها ببص على فيديوهات على اليوتيوب .. لقيت الريموت دايما بيكون في كرتونة الوحده الداخليه .. فشكيت وقومت فتحت كرتونة الوحدة الداخليه والخارجيه ومالقتش الريموت والضمان نهائيا
ومن بعدها بكلم المندوب يقولي ماليش دعوه وبكلم خدمة العملاء يقولولي غلطتك وماكنتش مضيت بالاستلام .. فانا ردي عليهم انا مش فني او خبير تكييفات اعرف الريموت بيتحط فين وانا اعتمدت على كلام المندوب اللي هو اصلا موظف عندكوا لانه بيسلم طلبات يوميا وعلى علم بالقطع بتكون موجوده فين وكل ردهم دلوقتي احنا مش هنقدر نعمل ليك اي حاجه قولتلهم خلاص انا عايز اعمله استبدال او استرجاع لاني مش هتحمل خطأ من عندكوا ده حتى الضمان مش موجود والضمان لمدة عشر سنين .. يعني لو التكييف فيه اي مشكله مش هعرف ارجع ل LG
ردهم بمنتهى الاستفزاز وعدم الضمير وعدم المهنيه .. يقولولي لو حضرتك حابب ترجعه او تستبدله يكون شامل جميع المحتويات .. قولتلهم يعني انتوا سلمتوني المنتج ناقص وعايزني ارجعه كامل ؟


انا اتصلت على المندوب تاني بعد مامشي وقالي انه تم كتابة لم يتم ايجاد الريموت على ايصال الاستلام وفعلا رئيسه في شركة الشحن كلمني وقالي المندوب بلغنا بالشكوي
لما كلمت خدمة العملاء تاني .. قالولي ان المندوب بغلنا ان تم التسليم بجميع المحتويا
انا المفروض مني اصدق مين !!!!!